Селхоналар ҳолати ўрганилди
Бугун туман ҳокими,Халк депутатлари Янгиқўрғон туман Кенгаши депутати Нажмиддинов Асадулла Икромович томонидан ҳудудларда олиб борилган ўрганишлар давомида селхоналарнинг ҳолати атрофлича кўздан кечирилди.
Хусусан, “Доли Сатторов Саид Барака” ҳамда “Туркистон Садоқат Бахт Иқболи” агрофирмалари ҳудудларида мавжуд сел сувларини Эски ер сув омборига йўналтириш, сув оқимини тартибга солиш ва эҳтимолий хавф-хатарларнинг олдини олиш масалалари муҳокама қилинди.
Ўрганиш жараёнида масъул ташкилотларга: 🔹 сел сувларини хавфсиз йўналтириш; 🔹 гидротехник иншоотларни мустаҳкамлаш; 🔹 ариқ ва зовурларни тозалаш ишларини жадаллаштириш; 🔹 ҳудудларда доимий мониторинг ва назоратни кучайтириш бўйича тегишли топшириқлар берилди.
Шунингдек, аҳоли хавфсизлигини таъминлаш, сел-тошқин ҳолатларининг олдини олиш ҳамда мавжуд инфратузилмани муҳофаза қилиш борасида профилактик чораларни тизимли давом эттириш муҳимлиги таъкидланди.