#Doimiy_komissiya_faoliyati

Agrar, qurilish, kommunal sohalar, ekologiya, sanoat va transport masalalari bo‘yicha doimiy komissiyasi raisi B.Shakarov tomonidan “Ochiq budjet” axborot portali orqali jamoatchilik fikri asosida shakllantirilgan “Mening bog‘im” loyihasi yuzasidan o‘rganish ishlari olib borildi.

O‘rganish davomida loyiha doirasida Go‘zal mahallasi hududidagi 0,9 gektar yer maydonini obodonlashtirish va yashil hududga aylantirish bo‘yicha amalga oshirilishi rejalashtirilgan ishlar ko‘zdan kechirildi.

Ma’lum qilinishicha, ovoz berish natijalariga ko‘ra mazkur hududda bog‘ tashkil etish xarajatlari uchun 250 million so‘m mablag‘ ajratilishi belgilangan.

Loyiha doirasida hududni ko‘kalamzorlashtirish, aholi dam olishi uchun qulay sharoitlar yaratish hamda ekologik muhitni yaxshilash maqsad qilingan.

Mazkur masala Xalq deputatlari tuman Kengashining navbatdagi sessiyasi muhokamasiga kiritilishi rejalashtirilgan.

🔰Bizni ijtimoiy tarmoqlarda kuzating:
Telegram | Veb-Sayt| Facebook|instagram