Angor tumani mahalliy budjetining 2026-yil 1-chorak ijrosi to‘g‘risida Mazkur masala yuzasidan Angor tumani Iqtisodiyot va moliya bo‘limi boshlig‘ining o‘rinbosari Kuchkarov Sanjar Baxtiyorovich tomonidan hisobot taqdim etildi. Hisobotda ta’kidlanganidek, 2026-yil 1-chorak davomida tumanning mahalliy budjeti daromadlari belgilangan prognoz ko‘rsatkichlariga muvofiq shakllantirilib, asosiy tushum manbalari hisobidan budjetga mablag‘lar o‘z vaqtida kelib tushishi ta’minlandi. Shuningdek, soliqlar va boshqa majburiy to‘lovlar yig‘imida tizimli ishlar olib borilgani natijasida daromadlar qismi barqaror bajarildi. Xarajatlar qismi bo‘yicha esa budjet mablag‘lari, avvalo, ijtimoiy sohani qo‘llab-quvvatlash, xususan ta’lim, sog‘liqni saqlash, ijtimoiy himoya, obodonlashtirish va infratuzilmani rivojlantirish yo‘nalishlariga maqsadli yo‘naltirilgani qayd etildi. Mablag‘lardan samarali va maqsadli foydalanish yuzasidan tegishli nazorat ishlari yo‘lga qo‘yilgan. Shu bilan birga, ayrim yo‘nalishlarda mavjud kamchilik va muammolar ham tahlil qilinib, ularni bartaraf etish bo‘yicha aniq chora-tadbirlar belgilab olindi. Kun tartibidagi mazkur masala yuzasidan deputatlar tomonidan bildirilgan taklif va mulohazalar asosida tegishli qaror qabul qilindi