Kun tartibidagi ikkinchi masala O‘zbekiston Respublikasi Prezidentining 2022-yil 7-martdagi PF–87-sonli Farmoni ijrosi yuzasidan .Angor tuman xotin-qizlar bo‘limi boshlig‘i Normurodova Muqaddas Po‘latovnaning hisoboti eshitildi. Ma’lum qilinishicha, tumanda 26 223 ta xonadonda 37 515 ta oila istiqomat qilib, jami aholi soni 147 765 nafarni tashkil etadi. Shundan 73 777 nafari xotin-qizlardir. Mehnatga layoqatli ayollar soni 32 174 nafar bo‘lib,6 583 nafari iqtisodiyot tarmoqlarida, 14 760 nafari norasmiy sektorda band. Joriy yilning 3 oyi davomida 360 nafar xotin-qiz kasb-hunar va tadbirkorlikka o‘qitildi.72 nafar ishsiz xotin-qizning bandligi ta’minlandi.Shuningdek, “Ayollar daftari”ga kiritilgan 50 nafar ehtiyojmand xotin-qizlar uchun dam olish, psixologik yordam va motivatsion seminarlar tashkil etildi.Oilaviy masalalar bo‘yicha 2026-yil boshidan 43 ta ajrim qayd etilgan.

▪️ 34 ta oilaviy nizolar bo‘yicha murojaatlar kelib tushgan

▪️ 11 ta oila yarashtirilgan

▪️ Ajrim yoqasidagi 98 ta oilani yarashtirishga erishilgan

▪️ 25 ta oilaga muhlat berilgan

Mazkur ko‘rsatkichlar asosida tumanda oilaviy qadriyatlarni mustahkamlash, xotin-qizlarni qo‘llab-quvvatlash hamda ularning bandligini ta’minlash borasida tizimli ishlar davom ettirilmoqda.