Kengash deputati B.Jontursunov tashabbusi bilan Xalq deputatlari tuman Kengashi kotibiyati bosh mutaxassisi E.Eshkuziyev tomonidan “Mustaqillik” mahalla fuqarolar yig‘inida faoliyat yuritayotgan yoshlar yetakchisining ish faoliyati o‘rganildi.

Hududda “yoshlar yetakchisi”ning aholi murojaatlari bilan ishlash tizimi, yoshlar bandligini ta’minlash, ularni ijtimoiy qo‘llab-quvvatlash bo‘yicha amalga oshirilayotgan ishlari atroflicha tahlil qilindi. Shuningdek, hujjatlar yuritilishi, hisobotlarni shakllantirish hamda amaldagi tartiblar asosida ish tashkil etilganligi ko‘zdan kechirildi.

O‘rganish davomida “Yoshlarga oid davlat siyosati toʻgʻrisida”gi O‘zbekiston Respublikasi Qonuni talablarining hududdagi ijrosi ham o‘rganildi.

Ushbu masala bo‘yicha moniroting natijalari xalq deputatlari Zomin tuman Kengashining "Ijtimoiy soha, yoshlar siyosati, madaniyat va sport" masalalari bo‘yicha doimiy komissiyasi yig‘ilishi muhokamasiga kiritilishi va huquqiy baho berilishi ta’kidlandi.