Deputat hududdagi muammolarni o‘rgandi

Xalq deputatlari Paxtakor tuman Kengashi deputati Jalolbek Uzakov aholi murojaatlariga asosan o‘z hududida mavjud kamchiliklar yuzasidan o‘rganish ishlarini olib bordi.

O‘rganish davomida hududdagi infratuzilma holati, obodonlashtirish ishlari, yo‘l va kommunal xizmatlar bilan bog‘liq muammolar ko‘zdan kechirildi. Shuningdek, fuqarolar bilan bevosita muloqot o‘rnatilib, ularning muammo va takliflari tinglandi.

Aniqlangan kamchiliklar qatorida ichimlik suvi ta’minotidagi uzilishlar hamda obodonlashtirish bilan bog‘liq masalalar mavjudligi qayd etildi. Ushbu muammolarni bartaraf etish yuzasidan tegishli tashkilotlar bilan hamkorlikda amaliy choralar ko‘rishini bildirdi.