⚡️ Deputatlik so‘rovi asosida amaliy ishlar bajarildi

Xalq deputatlari Sherobod tuman Kengashi 22-Bo‘ston saylov okrugi deputat A. To‘xtashov tomonidan 2026-yil 13-fevraldagi 18-ds-406-26-sonli deputatlik so‘rovi Sherobod tumani “Elektr tarmoqlari” korxonasiga yuborilgan edi.

Mazkur so‘rov “Oyinli” mahallasi Beshkapa qishlog‘i Mustaqillik 1 ko‘chasida joylashgan yog‘och elektr ustunlarini beton ustunlarga almashtirish masalasiga oid bo‘lgan.

Sherobod tumani “Elektr tarmoqlari” korxonasi tomonidan berilgan ma’lumotga ko‘ra, korxona xodimlari tomonidan hududda zarur ishlar amalga oshirilib, Mustaqillik 1 ko‘chasidagi 16 dona yog‘och elektr ustuni o‘rniga yangi beton ustunlar o‘rnatildi.

Ushbu ishlar hudud aholisini barqaror, sifatli va xavfsiz elektr energiyasi bilan ta’minlashga xizmat qiladi.