Xalq deputatlari Karmana tumani Kengashi deputati Murodov Yusuf Xamroyevich Karmana tumanidagi saylov okrugida bo‘lib, mahalla yettiligi faoliyati bilan tanishdi. Tashrif davomida hududdagi ijtimoiy-iqtisodiy ahvol, mavjud muammolar hamda fuqarolardan tushgan murojaatlar atroflicha o‘rganildi.

Jumladan, fuqaro N.Fayzullayev tomonidan turar joyi avtomobil yo‘li hududiga tushib qolgani hamda uy-joyning buzilish xavfi yuzaga kelgani munosabati bilan kadastr masalasida amaliy yordam so‘rab murojaat qilindi. Mazkur murojaat joyiga chiqib o‘rganildi va Karmana tumani Kadastr bo‘limi mutaxassislari ishtirokida huquqiy-tashkiliy jihatlar ko‘rib chiqildi. O‘rganish natijasida fuqaroning muammosini qonuniy tartibda bartaraf etish bo‘yicha zarur choralar belgilandi hamda masala joyida ijobiy hal etildi.