Xalq deputatlari Paxtakor tuman Kengashi deputati Misratullayev Boburjon tomonidan deputatlik so‘rovi yuborildi.

O‘zbekiston Respublikasining 2017 yil 11-sentyabrdagi O‘RQ-445-sonli “Jismoniy va yuridik shaxslarning murojaatlari to‘g‘risida”gi Qonuniga asosan aholi bilan doimiy muloqot qilish, odamlarni qiynab kelayotgan muammolarga yechim topish, dardini eshitish hamda og‘irini yengil qilish fuqarolarning davlat va jamiyatga bo‘lgan ishonchini yanada mustaxkamlaydi. Ushbu Qonunning tumandagi ijrosi yuzasidan, Paxtakor tuman “Buyuk ipak yo‘li” mahalla fuqarolar yig'inidagi aholi murojaatlari o‘rganib borilmoqda. Mahallaning 75% eski sim yog‘ochlari beton simyog‘ochlarga almashtirilganligi, bundan aholi mamnunligi, biroq hozirgi vaqtda mahallaning markaziy Muqumiy, A.Jomiy, Zomin, Talabalar, Al.Farg‘oniy, Obodjoy ko‘chalariga tungi yoritish chiroqlari o‘rnatilmaganligi, tungi vaqtda harakatlanish qiyinligi, piyodalar yurishi uchun maxsus yo‘laklar yo‘qligi, aholi avtomobillar bilan birga bitta yo‘lda harakatlanishi aholining etirozlariga sabab bo‘lmoqda. Sababi ushbu ko‘chalar mahallaning markaziy ko‘chalaridan biri bo‘lganligi, yo‘lda avtomobillarning serqatnovliligi va fuqarolar harakati uchun tungi vaqtda noqulayliklar tug'dirmoqda.

Xalq deputatlari Paxtakor tuman Kengashi deputati Misratullayev Boburjon tomonidan yuborilgan ushbu deputatlik so‘rovi mahalla aholisi uchun qulay, xavfsiz va zamonaviy yashash muhitini yaratishga qaratilgan bo‘lib, mahallada infratuzilmani yaxshilash va fuqarolarning murojaatlariga amaliy yechim topish yo‘lidagi muhim qadam hisoblanadi.