Zarbdor tuman 1-son politexnikumida 2025–2026 o‘quv yilida dual ta’lim tizimini joriy etish bo‘yicha tasdiqlangan yo‘l xaritasi ijrosini ta’minlash maqsadida muhim yig‘ilish bo‘lib o‘tdi.
Mazkur yig‘ilishda tuman hokimi, tuman prokurori, hokimlikning mas’ul vakillari, yo‘l xaritasida belgilangan shtab a’zolari hamda politexnikum rahbariyati ishtirok etdi.
Yig‘ilish jarayonida dual ta’lim tizimini bosqichma-bosqich joriy etish, ta’lim muassasasi bilan ishlab chiqarish korxonalari o‘rtasidagi hamkorlikni mustahkamlash, bitiruvchilarning bandligini ta’minlash masalalari muhokama qilindi.
Ta’kidlash joizki, Zarbdor tuman 1-son politexnikumiga Xalq deputatlari Zarbdor tuman Kengashi deputati Umurzakov Zafar O‘tkirovich direktorlik qilib kelmoqda. Deputat sifatida u hududda ta’lim sifatini oshirish, zamonaviy kasb-hunarlarni joriy etish hamda yoshlarni mehnat bozoriga tayyorlash borasida tizimli ishlarni amalga oshirib kelmoqda.
Yig‘ilish yakunida yo‘l xaritasida belgilangan vazifalar ijrosini o‘z vaqtida va sifatli bajarish yuzasidan mas’ullarga aniq topshiriqlar berildi.