PF–71-sonli farmon ijrosi doirasida targ‘ibot uchrashuvi o‘tkazildi 

O‘zbekiston
Respublikasi Prezidentining PF–71-sonli farmoni ijrosini ta’minlash maqsadida Navoiy
shahrida izchil targ‘ibot-tadbirlari amalga oshirilmoqda. Shu munosabat bilan Joriy
yilning 15-dekabr kuni Navoiy shahar xalq ta’limi bo‘limiga qarashli 16-sonli umumta’lim
maktabida targ‘ibot uchrashuvi tashkil etildi. 

Mazkur uchrashuvda
Xalq deputatlari Navoiy shahar Kengashi deputati G.Xasanova ishtirok etib, maktabning
yuqori sinf o‘quvchilari bilan erta turmushning salbiy oqibatlari, yoshlar o‘rtasida
ongli qaror qabul qilish, ta’lim olishning ahamiyati va kelajak rejalarni to‘g‘ri
belgilash masalalari yuzasidan atroflicha tushunchalar berdi. 

Uchrashuv davomida
erta nikohning sog‘liq, ta’lim va ijtimoiy hayotga salbiy ta’siri, qonunchilikda
belgilangan nikoh yoshi, shuningdek, yoshlarning huquq va majburiyatlari haqida
misollar asosida tushuntirish ishlari olib borildi. O‘quvchilar tomonidan berilgan
savollarga deputat tomonidan batafsil javoblar qaytarildi. 

Targ‘ibot uchrashuvi
interaktiv va ochiq muloqot shaklida o‘tib, o‘quvchilarning mavzuga bo‘lgan qiziqishi
va faolligi bilan ajralib turdi. Bunday tadbirlar yoshlar ongida sog‘lom hayot tarzini
shakllantirish, erta turmushning oldini olish va kelajakka mas’uliyat bilan yondashishda
muhim ahamiyat kasb etadi. 

Uchrashuv yakunida
bunday targ‘ibot ishlarini tizimli ravishda davom ettirish, ta’lim muassasalari
va jamoatchilik bilan hamkorlikni yanada kuchaytirish lozimligi ta’kidlandi.