O‘zbekiston Respublikasi Konstitutsiyasi kuni yurtimizda keng nishonlanmoqda. Konstitutsiya — davlatimiz mustaqilligi, adolat, qonun ustuvorligi va fuqarolar huquqlarining eng muhim kafolatidir.

Toshkent davlat tibbiyot universitetida ushbu sana munosabati bilan ma’rifiy tadbir o‘tkazildi. Unda universitet rahbariyati hamda professor-o‘qituvchilar qatnashdi. Tadbirda Konstitutsiyaning mazmun-mohiyati va huquqiy madaniyatni yuksaltirish masalalari yuzasidan Yoshlar masalalari va ma'naviy-ma'rifiy ishlar bo'yicha prorektori, Deputat Turdikul Bobomuratov ham ma’ruza qildilar.

Talabalarga Konstitutsiyaning jamiyat rivojidagi o‘rni, inson huquqlarini himoyalashdagi ahamiyati haqida qisqa ma’lumotlar berildi.

Barchamizga tinchlik va taraqqiyot tilaymiz!