Xalq deputatlari tuman Kengashi kotibiyati mudiri, deputat V. Xasanov tomonidan Yangiobod tumani Adliya bo‘limida yuridik xizmat ko‘rsatish faoliyati o‘rganildi.

O‘rganish davomida yuriskonsult tomonidan shartnomalarni huquqiy ekspertizadan o‘tkazish, buyruq va qaror loyihalarining qonunchilik talablariga muvofiqligini ko‘rib chiqish, tashkilotlarga huquqiy maslahatlar berish, sud ishlari bilan ishlash hamda huquqiy targ‘ibot yo‘nalishida amalga oshirilayotgan ishlar bilan yaqindan tanishildi.

Shuningdek, mas’ullar bilan muloqot chog‘ida yuridik xizmat faoliyati samaradorligini oshirish, huquqiy hujjatlar sifatini yaxshilash, qonunchilikdagi yangiliklarni amaliyotga o‘z vaqtida tatbiq etish hamda davlat organlari va tashkilotlariga ko‘rsatilayotgan huquqiy ko‘makni kuchaytirish masalalari muhokama qilindi.

O‘rganish yakunida mavjud muammo va kamchiliklarni bartaraf etish, huquqiy ekspertiza sifatini oshirish, hujjatlarning qonunchilik talablariga to‘liq muvofiqligini ta’minlash hamda yuridik xizmat faoliyatini yanada takomillashtirish yuzasidan mas’ullarga tegishli taklif va tavsiyalar bildirildi.