Xalq deputatlari Qo‘qon shahar Kengashiga 22-“Charxini ko‘prigi” saylov okrugidan saylangan deputat G.Rasulova tomonidan “Yalang‘och ota” mahalla fuqarolar yig‘inida Ijtimoiy reyestrga kiritilgan oilalarning yashash sharoitlari va mavjud ehtiyojlarini o‘rganish yuzasidan manzilli tashriflar amalga oshirildi.

O‘rganish davomida Charxiy ko‘chasi, 29-uy, 12-xonadonda istiqomat qiluvchi O.Toshmatova xonadoniga tashrif buyurilib, oilaning ijtimoiy ahvoli, yashash sharoiti va mavjud ehtiyojlari bilan tanishildi.

O‘rganish jarayonida fuqaroni ishga joylashtirishda ko‘mak berilgani ma’lum bo‘ldi. Bu esa oilaning bandligini ta’minlash va barqaror daromad manbaiga ega bo‘lishiga ko‘maklashishga qaratilgan chora-tadbirlardan biridir.

Shuningdek, “Saxovat va ko‘mak” jamg‘armasi tomonidan oilaga vaucher asosida oziq-ovqat va kiyim-kechak mahsulotlarini xarid qilish uchun yordam ko‘rsatilgani qayd etildi.

️Tashrif davomida oilaning ijtimoiy holati va ehtiyojlarini o‘rganish, aholini manzilli qo‘llab-quvvatlash hamda fuqarolarning turmush sharoitini yaxshilash masalalariga e’tibor qaratildi.

Xalq deputatlari Qo‘qon shahar Kengashi