Xalq deputatlari Sharof Rashidov tuman Kengashi deputati Ummatov Dilmurod Nuriboyevich tomonidan Pastki So‘loqli mahallasida aholi bandligini ta’minlash, xotin-qizlarni tadbirkorlikka jalb etish va oilalar daromadini oshirish masalalari yuzasidan o‘rganish olib borildi.
O‘rganish davomida deputat xonadonma-xonadon yurib, ishsiz xotin-qizlar tomonidan o‘zini o‘zi band qilish maqsadida tashkil etilgan issiqxonalar faoliyati bilan yaqindan tanishdi. Issiqxonalarda yaratilgan shart-sharoitlar, faoliyat samaradorligi hamda aholi daromadini oshirish imkoniyatlari o‘rganildi.
Shuningdek, fuqarolar bilan ochiq muloqotlar o‘tkazilib, ularning issiqxona faoliyatini yuritishda duch kelayotgan muammo va qiyinchiliklari tinglandi. Aniqlangan muammolar deputatning yon daftariga qayd etilib, ularni hal etish yuzasidan tegishli choralarni belgilash bo‘yicha kelishib olindi.