“Navnihol” mahallasida PQ-1 qarori ijrosi va jinoyatchilikning oldini olish bo‘yicha ishlar o‘rganildi

Xalq deputatlari Mirzo Ulug‘bek tumani Kengashi deputati, O‘zLiDeP a’zosi Dilshid Soliyev “Navnihol” mahallasida PQ-1-son qarori ijrosi hamda hududda jinoyatchilikning oldini olish borasida amalga oshirilayotgan ishlar yuzasidan o‘rganish olib bordi.

O‘rganishda mahallada huquqbuzarlik va jinoyatchilikning oldini olish, fuqarolar osoyishtaligini ta’minlash, aholi o‘rtasida huquqiy targ‘ibot ishlarini kuchaytirish hamda muammoli vaziyatlarni barvaqt aniqlash bo‘yicha olib borilayotgan chora-tadbirlar ko‘rib chiqildi.

Shuningdek, mahallada xavfsiz muhitni shakllantirish, yoshlar va aholi bilan profilaktik suhbatlar o‘tkazish, huquqbuzarliklarni keltirib chiqaruvchi omillarni bartaraf etish hamda mas’ul tashkilotlar hamkorligini kuchaytirish masalalariga alohida e’tibor qaratildi.

O‘rganish yakunida jinoyatchilikning oldini olishga qaratilgan profilaktik tadbirlar samaradorligini oshirish va belgilangan vazifalar ijrosini ta’minlash bo‘yicha tegishli vazifalar belgilab olindi.