Xalq deputatlari Uchquduq tuman Kengashining 11-Geologlar saylov okrugi deputati A.Hamidov tomonidan Abay mahalla fuqarolar yig‘inida jinoyatchilikka qarshi kurashish borasida amalga oshirilayotgan ishlar o‘rganildi.

O‘rganish davomida, huquqbuzarliklarning oldini olish, jinoyatchilikni kamaytirish hamda mahallada tinchlik va osoyishtalikni ta’minlash bo‘yicha olib borilayotgan ishlar e’tibor markazida bo‘ldi.

Shuningdek, jinoyat sodir etilishiga sabab bo‘luvchi omillarni aniqlash, aholi o‘rtasida profilaktik tadbirlarni kuchaytirish, yoshlar bilan manzilli ishlash va fuqarolarning huquqiy madaniyatini oshirish masalalariga alohida e’tibor qaratildi.

Mazkur o‘rganishdan ko‘zlangan asosiy maqsad — mahallada xavfsiz muhitni mustahkamlash, jinoyatchilikning barvaqt oldini olish hamda fuqarolarning osoyishta hayot kechirishini ta’minlashga qaratilgan chora-tadbirlar samaradorligini oshirishdan iborat.