Xalq deputatlari Bag‘dod tumani Kengashining 11-“Chekmirzaobod” saylov okrugi deputati A.Sirojiddinovning tashabbusi va amaliy ko‘magi bilan “Chekmirzaobod” mahalla fuqarolar yig‘inida zamonaviy tikuvchilik sexi tashkil etildi.

Mazkur tikuvchilik sexining ishga tushirilishi natijasida 20 ga yaqin yangi ish o‘rni yaratildi. Bu esa, avvalo, mahalladagi fuqarolarni, xususan, xotin-qizlarni doimiy daromad manbai bilan ta’minlash, ularning bandligini oshirish hamda oilalar farovonligini yaxshilashga xizmat qiladi.

Tashkil etilgan sexda tikuvchilik yo‘nalishida mehnat qilish istagidagi fuqarolar uchun zarur sharoitlar yaratilgan bo‘lib, kelgusida ishlab chiqarish hajmini kengaytirish va qo‘shimcha ish o‘rinlari yaratish rejalashtirilgan.

Deputat tomonidan amalga oshirilayotgan bunday amaliy tashabbuslar mahallalarda bandlikni ta’minlash, tadbirkorlikni rivojlantirish va aholi daromadlarini oshirishga xizmat qilmoqda.