ZARBDOR KO‘CHASI MUAMMOLARI O‘RGANILDI 

Xalq deputatlari Quva tuman Kengashi deputati M.Axmadaliyeva hamda tuman
Kengashi kotibiyati bosh mutaxassisi A.Fozilov tomonidan Pastki Xonobod mahalla
fuqarolar yig‘ini, xususan, Zarbdor ko‘chasida aholi muammolarini o‘rganish
ishlari olib borildi. 

O‘rganish davomida deputat ko‘chaboshi F.Nuriddinov va aholi bilan muloqot
qilib, hududdagi mavjud muammolar yuzasidan murojaatlarini tingladi. 

Muloqot davomida ko‘chaboshi hamda aholi tomonidan Zarbdor ko‘chasining 302
metr qismiga asfalt yotqizish zarurligi bildirildi. Deputat mazkur masalani hal
etish maqsadida mahalla raisiga zarur hujjatlarni belgilangan tartibda
rasmiylashtirib, tuman hokimligiga taqdim etish bo‘yicha tavsiyalar berdi. 

Ko‘tarilgan masalaning ijobiy hal etilishi tuman Kengashi tomonidan
nazoratga olinishi ta’kidlandi. 

Mazkur muammo “Deputatning ko‘cha aylanish daftari”ga kiritilib, uning
ijrosi deputatlik nazoratiga olindi.