Ta’lim va innovatsiyalar – taraqqiyot asosi

Mamlakatimizda oliy ta’lim, fan va innovatsiyalar tizimini yanada rivojlantirishga qaratilayotgan e’tibor yurtimiz kelajagi uchun muhim ahamiyat kasb etadi. Prezidentimiz Shavkat Mirziyoyev tomonidan ushbu yo‘nalishda ilgari surilgan takliflar taqdimoti ta’lim sohasini yangi bosqichga olib chiqishga xizmat qilishi bilan ahamiyatlidir.

Mazkur tashabbuslar oliy ta’lim sifatini oshirish, ilmiy tadqiqotlarni qo‘llab-quvvatlash va innovatsion faoliyatni kengaytirishga qaratilgani bilan e’tiborga molik. Ayniqsa, ta’lim tizimini xalqaro standartlarga moslashtirish, ilm-fan natijalarini amaliyot bilan uyg‘unlashtirish hamda yoshlarni zamonaviy bilim va kasb-hunarlarga yo‘naltirish bugungi kunning dolzarb vazifalaridan biridir.

Deputat sifatida ushbu islohotlar yurtimiz taraqqiyoti, ayniqsa yoshlar kelajagi uchun mustahkam poydevor bo‘lib xizmat qilishiga ishonch bildiriladi. Zero, bilimli, tashabbuskor va innovatsion fikrlaydigan yoshlar har qanday jamiyatning eng katta boyligidir.

Shu nuqtai nazardan, oliy ta’lim, fan va innovatsiyalar sohasida amalga oshirilayotgan keng ko‘lamli o‘zgarishlar hududlar rivojiga ham ijobiy ta’sir ko‘rsatadi. Bu esa yangi imkoniyatlar, zamonaviy ish o‘rinlari va iqtisodiy o‘sish uchun zamin yaratadi.

Xulosa o‘rnida aytish mumkinki, mazkur yo‘nalishda olib borilayotgan islohotlar mamlakatimizning raqobatbardoshligini oshirish, yoshlar uchun keng imkoniyatlar yaratish hamda barqaror taraqqiyotni ta’minlashda muhim o‘rin tutadi.

Xalq deputatlari Navoiy shahar Kengashi deputati Mirzayev Javoxir Fazliddin o‘g‘li