Har bir ota-ona farzandini maktabga jo‘natayotib, darslarni yaxshi
o‘zlashtirib, eson-omon qaytishini kutadi. Farzand tarbiyasida yetarli bilim va
ko‘nikmalarni olish qanchalik muhim bo‘lsa, uning sog‘ligi ham, maktabiga
sog‘-salomat borib kelishi ham muhim. O‘quvchi-yoshlarning ko‘cha-ko‘yda,
jamoat joylarida xavfsizligini ta’minlash masalasi esa e’tibor berishimiz lozim
bo‘lgan jihat. 

Shu bois o‘quvchilarning maktabga kelib-ketishlarida xavfsizlikni
ta’minlash maqsadida Xalq deputatlari Marhamat tuman Kengashi deputati Anarboyev
Murodil Maxammatjonovich tashabbusi bilan tegishli tashkilot va muassasalar
hamda fuqarolarning homiyligi hisobidan “Nayman” mahallasi hududidagi 4-umumiy o‘rta ta’lim maktabiga
olib boruvchi yo‘lda piyodalar yo‘lakchasi qurilish ishlari olib borilmoqda.
Ishlar tugallangach, yoshlar faqat belgilangan piyodalar yo‘lakchasidan
harakatlanishadi. Qarabsizki, o‘quvchilarning yo‘llarda harakat xavfsizligi
ta’minlanishi bilan birga, maktab ma’muriyati va ota-onalarning-da o‘ylantirgan
masala munosib yechim topgan bo‘ladi.