Joriy yilning 11 dekabr kuni Xalq deputatlari Namangan shahar Kengashining “Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha” doimiy komissiyasining birinchi yig‘ilishi bo‘lib o‘tdi. Yig‘ilishida 2025-yil uchun Namangan shahar budjetini tasdiqlash to‘g‘risida Namangan shahar Iqtisodiyot va moliya bo‘limi boshlig‘i Z.Muminov hamda Namangan shahrida 2025-yil uchun yuridik va jismoniy shaxslarning qishloq xo‘jaligiga mo‘ljallanmagan yerlari uchun bazaviy soliq stavkalarini belgilash masalasi to‘g‘risida shahar soliq inspeksiyasi boshlig‘i o‘rinbosari I.Nabijanovning hisobotlari eshitildi. Kun tartibidagi masalalar bo‘yicha deputatlar ma’ruzachilarning hisobotlari hamda to‘plangan hujjatlarni ko‘rib chiqib, muhokamasini o‘tkazdilar ham yig‘ilish yakunida doimiy komissiya qarorini qabul qildilar.