Әсирлер даўамында қəлиплескен Наўрыз – халқымыздың гөззал қәдириятларын өзинде жәмлеген, ата-бабаларымыздан бийбаҳа
мийрас сыпатында қəстерленип сақланып киятырған миллий байрамымыз сыпатында кеўиллерден терең орын ийелеген. Мәмлекетимиз Президенти тǝрепинен қабыл етилген арнаўлы қарар тийкарында, Наўрыз байрамы пүткил елимиз бойлап «Әлем нурға толсын сениң менен, Наўрыз!» сүрени астында көтериңки руўхта өткерилмекте. Районымыздыӊ барлық аймақларында әдебий-музыкалы байрам тамашалары шөлкемлестирилип онда районлық Кеӊес депутатлары белсене қатнаспақта. Байрам салтанатында депутатлар аймақ халқын жасарыў ҳәм жаңаланыў әййямы Наўрыз бенен қутлықлап, елимиз тыныш, аспанымыз ашық, халқымыз буннан да абадан турмыста жасаўына тилеклеслик билдирди.