Toshkent shahar Maktabgacha va maktab ta'limi boshqarmasi hamda Toshkent shahar transport boshqarmasining axboroti eshitildi

"Milliy tiklanish" demokratik partiyasining Xalq deputatlari Toshkent shahar Kengashida poytaxt Maktabgacha va maktab ta'limi boshqarmasi hamda Transport boshqarmasining 2025-yilning I yarmida bajarilgan ishlar yuzasidan axboroti eshitildi. Unda deputatlar ta’lim tizimi islohotlari bo‘yicha belgilangan maqsadlarning Toshkent shahridagi ijrosi hamda amalga oshirilgan ishlarning natijasi hamda yo‘l haqi to‘lovida shaffoflik va tushumlar to‘liqligini ta’minlash, haydovchining moliyaviy bog‘liqligini kamaytirish va xavfsizlikni oshirish borasida mas'ullar bilan fikr-mulohazalar almashdilar. Muammo va kamchiliklar tahlil qilinib, hal etish bo‘yicha takliflar muhokama qilindi.

Ma'lum qilinishicha, mazkur davr mobaynida Toshkent shahri bo‘yicha maktabgacha ta’lim tashkilotlariga 165 932 nafar bola qamrab olingan. Bu Toshkent shahar bo‘yicha maktabgacha ta’lim yoshidagi 209 922 nafar bolaning 79 foizini tashkil etgan. Xususan, 324 ta maktablarda yangi baholash tizimi joriy etilgan, 105 ta maktabning 10-sinf o‘quvchilari uchun 4 ta yo‘nalishda tanlov fanlari belgilanib, o‘quvchilarga chuqurlashtirilgan holda bilim berish boshlangan.

Shuningdek, 5 454 ta (Paynet 4 804, Oson 250 va Multipay 400 dona) infokiosklarda naqd pulga (3000 so‘m) QR chiptalari xarid qilish imkoniyatlari yaratilgan. Transport kartalariga bo‘lgan talabni qondirish maqsadida esa joriy yilda qo‘shimcha 270 ming dona transport (ATTO) kartalari tarqatilgan. 2025-yil yanvar-iyun oylarida jami 205,5 mln nafar yo‘lovchi tashilgan.