Халқ депутатлари Норин Туман Кенгаши депутати Д. Шералиев, туман ҳокими маслаҳатчиси ҳамда “Нуроний” жамғармаси туман бўлими раиси Қ. Умаров фаол нуронийлар иштирокида “Ташаббусли бюджет” лойиҳасининг 2026 йилги 1-мавсумида фаол иштирок этиш масалаларига бағишланган учрашув ўтказилди.

   Мазкур тадбир мамлакатимизда эълон қилинган 2026 йил — “Маҳаллани ривожлантириш ва аҳолини юксалтириш” йили доирасида белгиланган устувор вазифалар ижросини таъминлашга қаратилди.

   Учрашув давомида тумандаги 54 та маҳалла фаоллари билан ҳамкорликда аҳолининг ижтимоий фаоллигини ошириш, ташаббускор ва жамоатчилик орасида катта обрў-эътиборга эга нуронийлардан самарали фойдаланиш орқали “Ташаббусли бюджет” лойиҳасида фаол бўлиш масаласи муҳокама қилинди. Шунингдек, маҳаллаларни янада обод қилиш, инфратузилмани яхшилаш ҳамда аҳоли турмуш даражасини оширишга қаратилган аниқ таклиф ва ташаббуслар ўрганиб чиқилди.