Baxmal tumanida ijtimoiy-iqtisodiy rivojlanish masalalari muhokama qilindi.

      Baxmal tumanini 2026–2027 yillarda ijtimoiy-iqtisodiy jihatdan kompleks rivojlantirish bo‘yicha ishlab chiqilgan dasturni tasdiqlash hamda Davlatimiz raxbarining 2026-yil 23-yanvar kuni kambag‘allikni qisqartirish va aholi bandligini ta’minlash masalalariga bag‘ishlangan videoselektor yig‘ilishida belgilangan topshiriqlar ijrosini ta’minlashga qaratilgan Xalq deputatlari Baxmal tumani Kengashining navbatdagi yettinchi chaqiriq o‘n oltinchi sessiyasi bo‘lib o‘tdi. Sessiya ishida viloyat hokimining birinchi o’rinbosari Z.Azimov, tuman hokimi, viloyat va tuman miqyosidagi mas’ul tashkilot va idoralar rahbarlari, sohaning yetakchi mutaxassislari ishtirok etdi. Kun tartibidan tuman iqtisodiyotini rivojlantirish, yangi ish o‘rinlari yaratish, aholi daromadlarini oshirish, kambag‘allikni qisqartirish, ijtimoiy soha hamda muhandislik-kommunikatsiya infratuzilmasini yaxshilashga qaratilgan dolzarb masalalar o‘rin oldi.