Yig‘ilishda xalq deputatlari tuman Kengashi raisi Abdumalik Nomozov, tuman Kengashi deputatlari, korxona va tashkilot xodimlari hamda keng jamoatchilik ishtirok etdi.

Tadbirda, iqtisodiy o‘sishni ta’minlash, aholi farovonligini oshirish, kambag‘allikni qisqartirish, ta’lim sifatini yaxshilash, yoshlarni har tomonlama qo‘llab-quvvatlash, bandlikni ta’minlash, shuningdek, davlat boshqaruvida ochiqlik va jamoatchilik ishtirokini kuchaytirish masalalari yuzasidan fikr-mulohazalar bildirildi.

Shuningdek, “O‘zbekiston – 2030” strategiyasi doirasida hududlarda amalga oshirilayotgan ishlar tahlil qilinib, mavjud muammolar va ularni bartaraf etish bo‘yicha amaliy takliflar ilgari surildi.

Yig‘ilish yakunida ishtirokchilar tomonidan bildirilgan taklif va tashabbuslar strategiya maqsadlarini hayotga tatbiq etishda muhim ahamiyat kasb etishi, bunday muhokamalar esa aholining islohotlardagi ishtirokini yanada oshirishga xizmat qilishi ta’kidlandi.