🤝 2027-yil dasturlari yuzasidan ishchi yig‘ilish o‘tkazildi

🏛 Xalq deputatlari Oqdaryo tumani Kengashining Ekspert guruhi a'zosi Madina Bobojonova hamda tuman Kengashi deputatlari ishtirokida 2027-yilda amalga oshirilishi rejalashtirilayotgan hududiy dasturlar va istiqbolli loyihalarni shakllantirish masalalariga bag‘ishlangan ishchi yig‘ilish bo‘lib o‘tdi.

📊 Yig‘ilish davomida hududlarda mavjud ijtimoiy-iqtisodiy holat, infratuzilma bilan bog‘liq muammolar, aholi murojaatlari hamda deputatlar tomonidan joylarda olib borilgan o‘rganishlar natijasida aniqlangan dolzarb masalalar tahlil qilindi.

📝 Muhokamalar jarayonida hududlarning real ehtiyojlaridan kelib chiqib, 2027-yilgi hududiy rivojlantirish dasturlariga kiritilishi lozim bo‘lgan ustuvor loyiha va tadbirlar yuzasidan takliflar ishlab chiqildi. Shuningdek, loyihalarni shakllantirishda ularning ijtimoiy ahamiyati, iqtisodiy samaradorligi, moliyalashtirish manbalari hamda amalga oshirish mexanizmlariga alohida e'tibor qaratildi.

📌 Yakunda ishlab chiqilgan takliflarni belgilangan tartibda tegishli dasturlarga kiritish, ularni puxta asoslangan loyiha hujjatlari bilan rasmiylashtirish hamda ijrosini tizimli tashkil etish bo‘yicha mas'ullarga tegishli vazifalar belgilandi.