Халық депутатлары Қараөзек районлық Кеӊесиниң жергиликли бюджет, исбилерменликти раўажландырыў ҳәм экономикалық реформалар мәселелери бойынша турақлы комиссиясы менен Исбилерменлер ҳәрекети - Өзбекстан Либерал демократиялық партиясының жергиликли кеңестеги депутатлық топары қоспа мәжилиси болып өтти. 

Мәжилисте районда кәмбағаллықты қысқартыў ҳәм бәнтликке көмеклесиў бағдарында әмелге асырылған жумыслар додаланылды. Тийкарынан мәҳәллелердеги машқалаларды шешиўде сектор басшылары, “Мәҳәлле жетилиги” ҳәм депутатлардыӊ өз-ара бирге ислесиўин шөлкемлестириў ҳәм нәтийжелилигин тәмийинлеўде тийкарғы жөнелислерге айрықша итибар қаратыў ҳәм 2025-жылда районда бәнтликти тәмийинлеў бағдарында белгиленген ўазыйпалардың өз мүддетлеринде орынланыўы бағдарында есабатларды ўақтында додаланылып барыў белгиленип алынды.