Sessiya kun tartibida:

✅ O‘zbekiston Respublikasi Prezidentining 2024-yil 13-dekabrdagi “Surxondaryo viloyatini kompleks ijtimoiy-iqtisodiy rivojlantirish hamda aholi turmush darajasini yaxshilash chora-tadbirlari to‘g‘risida”gi PQ-438-son qarorining tumandagi ijrosi bo‘yicha 2026-yil o‘tgan davrida amalga oshirilgan ishlar yuzasidan Qumqo‘rg‘on tuman hokimining birinchi o‘rinbosari Eshqobilov Zayniddin Egamberdievichning hisoboti tinglandi.

✅ Qumqo‘rg‘on tumanida 2026-yil 2-mavsum, 15-iyuldan 31-avgustga qadar O‘zbekiston Respublikasi “Ochiq budjet” Portali orqali Tumanda istiqomat qiluvchi fuqarolar tomonidan ovoz berish jarayoni yakuni bilan g‘olib deb topilgan eng ko‘p ovoz to‘plagan takliflarga “Fuqarolar tashabbusi jamg‘armasi” hisobidan mablag‘ ajratish to‘g‘risida tuman Iqtisodiyot va moliya bo‘limi birinchi o‘rinbosari Abdimuratov Oybek Boyg‘o‘zievichning hisoboti tinglandi.

✅ Xalq deputatlari Qumqo‘rg‘on tumani Kengashining 2026-yil 5-martdagi VII-16-12-8-114-K/26-sonli qarorining 1-ilovasiga o‘zgartirish kiritish to‘g‘risida tuman Qurilish va uy-joy kommunal xo‘jaligi bo‘limi boshlig‘i Norboev Maxmanazar Soatmo‘min o‘g‘lining hisoboti tinglandi.

✅ O‘zbekiston Respublikasi Prezidentining 2025-yil 26-dekabrdagi “Mahalliy budjetlar va budjet tashkilotlarining moliyaviy barqarorligini oshirish, budjet intizomini kuchaytirishga doir qo‘shimcha chora-tadbirlar to‘g‘risida”gi PQ-387-sonli qaror ijrosi yuzasidan tuman markaziy ko‘chalarida tadbirkorlik subektlari chiqindilarni olib chiqish va hududlarni obodonlashtirish xizmatini ko‘rsatganlik bo‘yicha tariflarni tasdiqlash to‘g‘risida Qumqo‘rg‘on tumani Obodonlashtirish boshqarmasi boshlig‘i birinchi o‘rinbosari Xolmatov Shokir Dusnazarovichning hisoboti hamda sessiya ishida boshqa masalalar ham ko‘rib chiqildi.

Sessiyada har bir masala yuzasidan keng muhokamalar o‘tkazilib, deputatlar mas’ullardan o‘z savollariga javoblar, holatlar yuzasidan izohlar olishdi. Yakunda, kun tartibidagi har bir masala bo‘yicha tegishli qarorlar qabul qilindi.