Xalq deputatlari Yangiobod tuman Kengashi Kotibiyati mudiri, deputat V. Xasanov tomonidan Havotog‘ QFYda aholini xatlovdan o‘tkazish jarayoni bo‘yicha mas’ullarning hisoboti olindi.

Xatlov jarayonida hududdagi xonadonlar va aholining ijtimoiy-iqtisodiy holati, bandlik darajasi, daromad manbalari, mavjud muammolar hamda ijtimoiy ko‘makka ehtiyojmand oilalar haqida ma’lumotlarni shakllantirishga alohida e’tibor qaratilmoqda.

Hisobot davomida xatlovning borishi, ma’lumotlarning to‘liqligi va aniqligi, aniqlangan muammolarni tegishli yo‘nalishlar bo‘yicha guruhlash hamda ehtiyojmand oilalarni manzilli qo‘llab-quvvatlash masalalari ko‘rib chiqildi.

Shuningdek, xatlov natijalaridan kelib chiqib, ishsiz fuqarolarni bandlikka yo‘naltirish, tadbirkorlikka jalb etish, oilalar daromadini oshirish va mavjud muammolarni tegishli tashkilotlar bilan hamkorlikda hal etish bo‘yicha keyingi vazifalar yuzasidan fikr almashildi.