O‘zLiDePdan saylangan Xalq deputatlari Amudaryo tuman Kengashi deputati Y.Axmedov hamda Kengash kotibiyati mudiri M.O‘razbayev tumanda olib borilayotgan bunyodkorlik ishlari va qurilish obektlaridagi sifat darajasini o‘rganish maqsadida navbatdagi deputatlik nazoratini o‘tkazishdi.

O‘rganish tadbiri davomida mas’ullar "Do‘stlik" MFY hududida jadal barpo etilayotgan "Yangi O‘zbekiston" massividagi № 1-sonli (7 qavatli, 42 xonadonga mo‘ljallangan) zamonaviy turar joy binosining qurilish jarayoni bilan yaqindan tanishdilar.

Nazorat davomida asosiy e’tibor quyidagilarga qaratildi:
🏢 Qurilish sifati: Bino poydevori va qavatlarida olib borilayotgan montaj hamda pardozlash ishlarining belgilangan standartlarga mosligi;
⏱️ Muddati va xavfsizlik: Qurilish ishlarining tasdiqlangan grafik asosida borishi hamda ishchi-xodimlar uchun yaratilgan mehnat sharoitlari va xavfsizlik qoidalari;
💡 Pudrat muassasasi mas’uliyati: Qurilishda sifatli va xavfsiz qurilish materiallaridan foydalanish bo‘yicha mas’ullarga tegishli tavsiyalar berildi.

Tumanimiz aholisini zamonaviy, shinam hamda barcha xavfsizlik talablariga javob beradigan uy-joylar bilan ta’minlash borasidagi deputatlik nazorati doimiy ravishda davom ettiriladi.