O‘zbekiston Respublikasi Prezidentining PQ–406-son qarori, Oliy Majlis Senati Kengashining KQ–35-V-son qarori hamda mahalliy Kengash deputati faoliyatining eng muhim yo‘nalishlari bo‘yicha belgilangan 24 ta tavsiya asosida Xalq deputatlari Marg‘ilon shahar Kengashi deputati S.Jurayeva tomonidan 14-Nurafshon saylov okrugidagi Nurafshon mahallasida aholi bilan ishlash va mavjud muammolarni o‘rganish ishlari olib borildi.

Jumladan, O‘zbekiston Respublikasi Prezidentining 2026-yil 11-sentabrdagi PF–193-son Farmonida belgilangan vazifalar ijrosini ta’minlash, barqaror ish o‘rinlarini yaratish va aholi daromadlarini oshirish maqsadida 23-sentabr kuni ijtimoiy reestrda turgan fuqarolar uchun sayyor qabul tashkil etildi.

Sayyor qabulda deputat S.Jurayeva hamda Milliy bank xodimlari ishtirok etib, fuqarolarning bandligini ta’minlash, daromad manbalarini yaratish, tadbirkorlik faoliyatini yo‘lga qo‘yish va moliyaviy qo‘llab-quvvatlash bilan bog‘liq murojaatlari tinglandi.

Murojaatlar yuzasidan fuqarolarga tegishli tartibda tushuntirishlar berilib, mavjud masalalarni hal etish bo‘yicha mas’ullarga tegishli vazifalar belgilandi.

Sayyor qabul davomida aniqlangan masalalar deputatlik nazoratiga olinib, ularning ijrosi yuzasidan tegishli tashkilotlar bilan hamkorlikda ish olib borilishi belgilandi.