Xalq deputatlari Jalaquduq tumani Kengashining navbatdagi 21-sessiyasi bo‘lib o‘tdi Unda mahalliy Kengash
deputatlari, ekspertlar, jamoatchilik vakillari hamda faol yoshlar jam bo‘lishdi. Sessiya davomida muhim bir
masala — O‘zbekiston Respublikasi Oliy Majlisi Senati Kengashining 2026-yil 22-iyundagi KQ-360-V-sonli qarori mazmun-mohiyati va uning ijrosi atroflicha muhokama qilindi. Muhokama markazida: Senat qarorida belgilanganidek, endilikda tumandagi mas’ul davlat organlari va tashkilotlar rahbarlarining fuqarolar murojaatlari bilan ishlash borasidagi hisobotlari deputatlar tomonidan qat’iy va ta’sirchan tarzda eshitib boriladi. 🔹 Axborot tinglandi: Mazkur masala yuzasidan tuman Kengashi kotibiyati mudiri I.Juraevning batafsil axboroti tinglandi. 🔹 Ishtirokchilar: Yig‘ilishda tuman Kengashi huzuridagi ekspert guruhi a’zolari, "Madad" NNT yetakchi mutaxassisi M.To‘lqinov va "Yoshlar
maslahat guruhi" vakillari ham qatnashib, o‘z fikr va takliflarini bildirishdi. Sessiya yakunida aholi muammolarini ijobiy hal etish, murojaatlar bilan ishlashni yangi bosqichga ko‘tarish bo‘yicha tegishli qarorlar qabul qilindi.