🔰Tashabbusli budjet loyihalari – doimiy komissiya e’tiborida

🇺🇿Xalq deputatlari Jondor tumani Kengashining Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi raisi Q. Safarov hamda komissiya a’zolari ishtirokida qator muhim masalalar muhokama qilindi.
🔵Yig‘ilishda, avvalo, “Tashabbusli budjet” jarayonining 2026-yil 2-mavsumi yakunlariga ko‘ra “Openbudget.uz” portalida g‘olib deb topilgan loyihalarni amalga oshirish va ularni moliyalashtirish holati atroflicha ko‘rib chiqildi.
🔵Shuningdek, tumanda aholiga qulay va munosib shart-sharoitlar yaratish, hududlarning ijtimoiy-iqtisodiy rivojlanishini ta’minlash, mavjud tashkiliy-amaliy hamda infratuzilmaviy muammolarni bartaraf etish yuzasidan amalga oshirilayotgan ishlar tahlil qilindi.
🔵Muhokamalar davomida g‘olib loyihalarni belgilangan muddatlarda va sifatli amalga oshirish, ajratilgan mablag‘lardan samarali foydalanish hamda aholining taklif va tashabbuslarini amaliy natijaga yo‘naltirish muhim vazifa ekani ta’kidlandi.
🔵Doimiy komissiya tomonidan mazkur yo‘nalishdagi ishlarni nazorat qilish, aniqlangan muammolarni bartaraf etish va aholi manfaatlarini ta’minlashga qaratilgan chora-tadbirlarni izchil davom ettirish belgilandi.