FUQAROLAR MUROJAATI ASOSIDA DEPUTATLIK SO‘ROVI YUBORILDI

Hududlarni o‘rganish davomida fuqarolardan kelib tushgan murojaatlar asosida M. Eshtemirov mahallasi, Tajribakor ko‘chasidagi holat o‘rganildi.

O‘rganish jarayonida mazkur hududda faoliyat yuritayotgan tadbirkorlik subyektlari, xususan, do‘konlar atrofida chiqindilar to‘planib qolayotgani, ularning o‘z vaqtida olib chiqilmayotgani hamda buning natijasida turli xil noxush hidlar tarqalayotgani aniqlandi.

Mazkur holat yaqin atrofda istiqomat qiluvchi aholi uchun noqulaylik tug‘dirayotgani sababli, muammoni bartaraf etish maqsadida tegishli mas’ullarga deputatlik so‘rovi yuborildi.

📌 Deputatlik so‘rovida hududdagi chiqindilarni tezkor olib chiqish, ularni muntazam ravishda olib ketish tizimini yo‘lga qo‘yish hamda sanitariya va obodonlashtirish talablariga rioya etilishini ta’minlash so‘raldi.

🤝 Aholi murojaatlari — deputat e’tiborida. Muammolarni joyida o‘rganish va ularning amaliy yechimini ta’minlash deputatlik faoliyatining muhim yo‘nalishlaridan biridir.