#162_ta_qonun
⚖️ XALQ DEPUTATINING HUQUQIY MAQOMI VA KAFOLATLARI

📌 Xalq deputatlari viloyat, tuman va shahar Kengashi deputatining huquqiy maqomi, huquq va majburiyatlari hamda deputatlik faoliyatining kafolatlari O‘zbekiston Respublikasining 2004-yil 2-dekabrdagi “Xalq deputatlari viloyat, tuman va shahar Kengashi deputatining maqomi to‘g‘risida”gi Qonuni bilan belgilanadi.

🔹 Qonunning 10-moddasi — “Deputatning huquqlari, sha’ni va qadr-qimmatini muhofaza qilish”

📍 Har bir deputatga o‘z vakolatlarini moneliksiz hamda samarali amalga oshirishi uchun zarur shart-sharoitlar kafolatlanadi. Deputatning huquqlari, sha’ni va qadr-qimmati qonun bilan muhofaza qilinadi.
📍 Deputatning sha’ni va qadr-qimmatiga tajovuz qilgan shaxslar qonunchilikka muvofiq ma’muriy, jinoiy yoki boshqa turdagi javobgarlikka tortiladi.
📍 Deputatni haqorat qilish, shuningdek, unga nisbatan tuhmat qilish qonunchilikda belgilangan javobgarlikka sabab bo‘ladi.
📍 Deputatlik vakolatlarini amalga oshirishiga to‘sqinlik qilish maqsadida unga har qanday shaklda ta’sir ko‘rsatishga yo‘l qo‘yilmaydi.
📍 Deputat oldidagi vazifalarini bajarmaydigan, uning faoliyatiga to‘sqinlik qiladigan, bila turib yolg‘on axborot beradigan yoki deputatlik faoliyati kafolatlarini buzadigan mansabdor shaxslar qonunchilikka muvofiq javobgar bo‘ladilar.

🔰 Xulosa: Deputatning huquqlari, sha’ni va qadr-qimmatini himoya qilish — xalq vakilining o‘z vakolatlarini erkin va samarali amalga oshirishining muhim huquqiy kafolatidir.

📖 Huquqiy asos: O‘zbekiston Respublikasining 2004-yil 2-dekabrdagi 706-II-son “Xalq deputatlari viloyat, tuman va shahar Kengashi deputatining maqomi to‘g‘risida”gi Qonuni, 10-modda.

Xalq deputatlari Sherobod tumani Kengashi kotibiyati matbuot xizmati.
Bizni kuzatishda davom eting👇
Telegram | Facebook | E-Kengash | Instagram | YouTube