Xalq deputatlari Olmaliq shahar Kengashining Mahalliy budjet, iqtisodiy islohotlarni amalga oshirish, investitsiyalar va tadbirkorlikni rivojlantirish masalalari boʻyicha doimiy komissiyasi aʼzolari Alisher Samadov hamda Zuhra Pulatovalarga biriktirilgan tashkilot faoliyatini o'rganish hamda aholiga xizmat koʻrsatayotgan ko'chma bozor faoliyatini joyida oʻrgandilar.

🔍 Oʻrganish jarayonida asosiy eʼtibor qaratilgan jihatlar:
Tadbirkorlar uchun yaratilgan sharoitlar va qulayliklar;
Aholi isteʼmoli uchun zarur boʻlgan oziq-ovqat va qishloq xoʻjaligi mahsulotlarining yetarliligi va  zahirasi;
Narx-navoning barqarorligi hamda mahsulotlar sifati.

Deputatlar bozor rastalarini koʻzdan kechirib, soha vakillari hamda xaridorlar bilan samimiy muloqotda boʻldilar. Oʻrganishlar shuni koʻrsatdiki, bozorda barcha zaruriy oziq-ovqat mahsulotlari yetarli va hamyonbop narxlarda sotilmoqda.
Eng muhimi, bozor hududida ham xaridorlar, ham tadbirkorlar kayfiyati yaxshi. Yaratilgan sharoitlar va tartib-intizomdan mamnun ekanligi kuzatildi.

📌 Xalq vakillarining bunday reyd va oʻrganish tadbirlari aholi farovonligi va bozorlarda narx-navo barqarorligini taʼminlash maqsadida muntazam davom ettiriladi.