Xalq deputatlari Olmaliq shahar Kengashi raisi Doniyor Karimov 11-sonli maxsus maktab-internatida bo‘lib, ushbu maskanda ta’lim-tarbiya olayotgan o‘quvchilar uchun yaratilgan sharoitlar va imkoniyatlarni atrofliroq o‘rgandi.
Tashrif davomida Kengash raisi har bir sinfxonaga kirib, o‘quv jarayonining borishi, tarbiyalanuvchilarning darsni o‘zlashtirishi hamda ularga yaratilgan moddiy-texnik va maishiy sharoitlar bilan yaqindan tanishdi. Bolalarning sifatli ta’lim va xavfsiz muhitda kamol topishi muhim ekanligi alohida ta’kidlandi.

Muassasa direktori bilan o‘tkazilgan muloqot chog‘ida maktab-internatda mavjud bo‘lgan bir qator muammolar va yetishmovchiliklar muhokama qilindi. Bildirilgan taklif va mulohazalar asosida ushbu kamchiliklarni qisqa muddatlarda bartaraf etish hamda ta’lim sifatini yanada oshirish bo‘yicha aniq chora-tadbirlar va vazifalar belgilab olindi.

O‘rganishlar yakunida shahar Kengashi raisining homiyligi ostida maktab o‘quvchilariga maktab formalari topshirildi.

Aholining ehtiyojmand qatlamlari va alohida e'tiborga muhtoj ta'lim muassasalarini qo'llab-quvvatlash ishlari izchil davom ettiriladi.