DOIMIY KOMISSIYA VA TASHKILOT HAMKORLIGI — SAMARALI DEPUTATLIK NAZORATI ASOSI
Xalq deputatlari Pastdarg‘om tumani Kengashi deputati X.Turdiyev tomonidan biriktirilgan tashkilot — Agrobank Pastdarg‘om tuman filiali bilan hamkorlik aloqalari yuzasidan uchrashuv o‘tkazildi.
Uchrashuvda Agrobank Pastdarg‘om tuman filiali boshlig‘i O‘ktam Yoqubov bilan hamkorlikni yanada kuchaytirish, aholi va tadbirkorlarning murojaatlarini o‘rganish, mavjud muammolarni tegishli tartibda hal etishda deputatlik nazoratidan samarali foydalanish masalalari muhokama qilindi.
📌 Shuningdek, hududlarda fuqarolar bilan ishlash, ularning taklif va muammolarini o‘rganish hamda aniqlangan masalalarni mas’ul tashkilotlar bilan hamkorlikda bartaraf etish bo‘yicha kelishib olindi.
Doimiy komissiyalar va biriktirilgan tashkilotlar o‘rtasidagi tizimli hamkorlik — hududdagi muammolarni o‘z vaqtida aniqlash va amaliy yechim topishning muhim omilidir.