O‘zbekiston "Adolat" sotsial-demokratik partiyasi Markaziy Kengashi hamda viloyat Kengashi apparati xodimlari tomonidan Xalq deputatlari Olmaliq shahrida deputatlik guruhi faoliyati va deputatlar ishining samaradorligi atroflicha o‘rganildi.

O‘rganish jarayonida asosiy e’tibor deputatlik so‘rovlarining natijadorligi, saylovchilar bilan o‘tkazilayotgan yuzma-yuz uchrashuvlar sifati va eng muhimi — fuqarolar murojaatlari ijrosi ustidan qat’iy nazorat o‘rnatish masalalariga qaratildi.
Shuningdek, hududdagi dolzarb muammolarni joyida va tezkor hal etishda ijro hokimiyati hamda "mahalla yettiligi" bilan o‘zaro yaqin hamkorlikni yangi bosqichga olib chiqish bo‘yicha aniq vazifalar belgilandi.

Samarali muloqot va do‘stona ruhda o‘tgan amaliy uchrashuvda:
Sevar Qodirova — Xalq deputatlari Olmaliq shahar Kengashi kotibiyati mudiri;
Faxriddin Matasimov — shahar Kengashi deputati;
Matluba Ashurova — shahar Kengashi deputati;
Kotibiyat xodimlari va partiya faollari ishtirok etishdi.

Tadbirlar yakunida aholi farovonligini ta’minlash, murojaatlar bilan ishlash tizimini yanada takomillashtirish hamda istiqboldagi ustuvor rejalarni amalga oshirish yuzasidan aniq "yo‘l xaritasi" kelishib olindi.