#_deputat_faoliyati
#_24_ta_masala
#_biriktirilgan_tashkilot
#_Kengash_ish_rejasining_ijrosi
Maktabgacha va maktab ta’limi tizimi deputatlar nazoratida

Xalq deputatlari Sariosiyo tumani Kengashi deputatlari tomonidan hududdagi tashkilot va muassasalar faoliyatini o‘rganish, mavjud muammolarni aniqlash hamda ularning yechimini ta’minlashga qaratilgan amaliy ishlar izchil davom ettirilmoqda.
Shu doirada xalq deputatlari Sariosiyo tumani Kengashiga "23-Aeroport" saylov okrugidan saylangan deputat N.Chorshanbiyeva tomonidan "Lutfkor" mahallasida joylashgan Maktabgacha va maktab ta’limi bo‘limi faoliyati o‘rganildi.
O‘rganish jarayonida tuman Kengashining 2026- yilga mo‘ljallangan ish rejasining 7-bandida belgilangan vazifalar, xususan, maktabgacha va maktab ta’limi tizimini rivojlantirish borasida amalga oshirilayotgan ishlar, mavjud muammolar hamda rejalashtirilgan tadbirlar muhokama qilindi.
Shuningdek, bo‘lim boshlig‘i Sh.Boboev bilan suhbat davomida ta’lim muassasalarining moddiy-texnik bazasini mustahkamlash, ta’lim sifati va samaradorligini oshirish, pedagoglar uchun munosib mehnat sharoitlarini yaratish, maktabgacha ta’lim qamrovini kengaytirish hamda sohada belgilangan vazifalarning ijrosini ta’minlash masalalariga alohida e’tibor qaratildi.
O‘rganish davomida aniqlangan masalalar yuzasidan mas’ullarga tegishli tavsiya va takliflar bildirilib, belgilangan vazifalar ijrosini ta’minlash, aniqlangan kamchiliklarni bartaraf etish hamda sohani yanada rivojlantirish bo‘yicha amaliy chora-tadbirlarni kuchaytirish zarurligi ta’kidlandi.

Bunday o‘rganishlar hududda ta’lim sohasida amalga oshirilayotgan islohotlarning samaradorligini oshirish, mavjud muammolarni o‘z vaqtida aniqlash va ularning yechimini ta’minlashda deputatlik nazoratining muhim ahamiyat kasb etishini ko‘rsatmoqda.