ZIYOLILAR KOʻCHASI MUAMMOLARI OʻRGANILDI 

Xalq deputatlari Quva tuman Kengashi deputati O.Tillayeva hamda Kengash
kotibiyati bosh mutaxassisi A.Fozilov tomonidan Rasta mahalla fuqarolar yig‘ini
hududidagi Ziyolilar ko‘chasida o‘rganish ishlari olib borildi. 

O‘rganish davomida ko‘chaboshi A.Murodaliyev ko‘chaga ikki yarim oy avval
yangi beton tayanch ustunlari va SIP kabellari o‘rnatilgan bo‘lsa-da,
xonadonlargacha elektr tarmog‘i tortilmaganini bildirdi. 

Mavjud holat mas’ullarga ko‘rsatib o‘tildi hamda aholi xonadonlarini elektr
tarmog‘iga ulash masalasini tezkor hal etish yuzasidan tegishli tavsiyalar
berildi. 

Shuningdek, mazkur masalani hal etish maqsadida tuman elektr ta’minoti
korxonasi rahbariga deputat so‘rovi yuborish, xonadonlarni elektr tarmog‘iga
ulash va aniqlangan kamchiliklarni bartaraf etish bo‘yicha zarur choralarni
ko‘rish belgilandi. 

Muammo “Deputatning ko‘cha aylanish daftari”ga kiritilib, uning ijobiy
yechimi deputat tomonidan nazoratga olindi.