Sessiyada ovoz berish yakunlariga ko‘ra 10-o‘rinni egallagan “Sharilloq mahallasidagi Boyqishloq, Sharilloq, Yangibozor, Zamin, Bog‘iston va Sharshara ko‘chalarining jami 3000 metr qismini ta’mirlash” loyihasi ko‘rib chiqildi.
Mazkur loyiha sessiya oldidan deputatlar tomonidan joyiga chiqib o‘rganilib, yo‘llarning mavjud holati, aholining kundalik harakatlanishida yuzaga kelayotgan muammolar hamda loyihaning ijtimoiy ahamiyati tahlil qilingan edi.
O‘rganishlar davomida mahalla faollari, loyiha tashabbuskori va fuqarolarning fikr-mulohazalari tinglanib, mazkur loyihaning amalga oshirilishi aholining qulay va xavfsiz harakatlanishini ta’minlash hamda mahalla infratuzilmasini yaxshilashda muhim ahamiyat kasb etishi qayd etildi.
Sessiyada loyiha deputatlar tomonidan atroflicha muhokama qilinib, tegishli qaror qabul qilindi. Qarorga asosan, mazkur loyiha “Ochiq budjet”ning 2026-yil ikkinchi mavsumida qo‘shimcha g‘olib deb e’lon qilindi.
Loyihani amalga oshirish uchun Fuqarolar tashabbusi jamg‘armasiga qo‘shimcha mablag‘ yo‘naltirish belgilandi.
Natija — 3000 metr yo‘l ta’mirlanadi!
Bu — fuqarolar tashabbusining amaliy natijasi, deputatlar tomonidan xalq manfaatlari yo‘lida olib borilgan o‘rganishlarning samarasi va mahalla infratuzilmasini yaxshilash yo‘lidagi muhim qadamdir.