Sharof Rashidov tumani Kengashining navbatdagi sessiyasida O‘zbekiston Respublikasi Prezidentining 2025-yil 8-oktyabrdagi “Alohida tuman (shahar) va mahallalarni aholining yashashi va tadbirkorlik faoliyati bilan shug‘ullanishi uchun namunali hududga aylantirish chora-tadbirlari to‘g‘risida”gi PQ-298-son qarori ijrosi yuzasidan tumanda amalga oshirilgan ishlarni muhokama qilish belgilangan.
📋 Mazkur qarorga muvofiq, tumandagi “Yangi O‘zbekiston” qiyofasidagi 2 ta mahallada aholi uchun qulay yashash muhitini yaratish, infratuzilmani yaxshilash, hududni obodonlashtirish va tadbirkorlik faoliyati uchun zarur shart-sharoitlarni shakllantirishga qaratilgan qator bunyodkorlik ishlarini amalga oshirish belgilangan.
🔎 Sessiyaga tayyorgarlik doirasida qaror ijrosini joylarda puxta o‘rganish maqsadida Tuman Kengashi deputati I. Azimov tomonidan manzilli o‘rganish ishlari olib borildi.
📍 O‘rganish ishlari “Yangi O‘zbekiston” qiyofasidagi mahalla sifatida tanlab olingan Umar mahallasida amalga oshirildi.
🛣 O‘rganishlar davomida PQ-298-son qarorida belgilangan vazifalar ijrosi doirasida hududda amaliy ishlar boshlab yuborilgani aniqlandi.
🚧 Xususan, 3,4 km ichki yo‘llar asfaltlashtirilgan. Bu esa mahalla aholisi uchun transport qatnovi qulayligini oshirish, yo‘llarning holatini yaxshilash hamda hudud obodonligini ta’minlashda muhim ahamiyat kasb etmoqda.
🚶‍♂️ Shuningdek, mahalla markazini shakllantirish va hududda zamonaviy, qulay muhit yaratish maqsadida yo‘l bo‘yida 3,5 km piyodalar yo‘lagi barpo etish ishlari davom ettirilmoqda.