Qo‘shko‘pir mahallasi Shifonur ko‘chasida istiqomat qiluvchi ijtimoiy reyestrga kiritilgan fuqaro oilasining yashash sharoiti, mavjud muammolari va ehtiyojlari o‘rganildi.
O‘rganish jarayonida Xalq deputatlari Shovot tumani Kengashining 24-Gulshan saylov okrugidan saylangan deputati Masharipov Izzat Masharipovich, Xalq deputatlari Xorazm viloyati Kengashining 36-Monoq saylov okrugidan saylangan deputati Ishchanov Alibek Raximberganovich hamda mahalla fuqarolar yig‘ini raisi ishtirok etdi.
Suhbat davomida oilaning asosiy muammosi — yashab turgan uy-joyini hujjatlashtirish bilan bog‘liq ekani aniqlandi.
Mazkur masala yuzasidan amaldagi O‘zbekiston Respublikasining 2024-yil 5-avgustdagi “O‘zboshimchalik bilan egallab olingan yer uchastkalariga hamda ularda qurilgan binolar va inshootlarga bo‘lgan huquqlarni e’tirof etish to‘g‘risida”gi O‘RQ-937-son Qonuni doirasida huquqiy tushuntirishlar berildi.
Shuningdek, fuqaroning murojaatini qonunchilikda belgilangan tartibda hal etishga ko‘maklashish maqsadida mazkur masala deputatlar nazoratiga olindi.