Jizzax viloyati Kengashi delegatsiyasining Qoraqalpog‘iston Respublikasiga amaliy tashrifi davomida delegatsiya a’zolari, jumladan, Xalq deputatlari Zarbdor tuman Kengashi raisi Anvar Aralov hamda Kengash kotibiyati mudiri Gulzoda Xudoyarova Nukus tumani Kengashi faoliyati bilan yaqindan tanishdilar.
Tashrif davomida mahalliy Kengashning ish tashkiloti, deputatlar faoliyatini muvofiqlashtirish, doimiy komissiyalar faoliyati, deputatlik nazorati, fuqarolar murojaatlari bilan ishlash hamda hududni ijtimoiy-iqtisodiy rivojlantirishda Kengashning ishtiroki kabi yo‘nalishlar o‘rganildi.
Shuningdek, deputatlarning saylovchilar bilan doimiy muloqotini ta’minlash, aholi tomonidan ko‘tarilayotgan muammolarni Kengash muhokamasiga olib chiqish va ularning ijrosi ustidan ta’sirchan deputatlik nazoratini o‘rnatish borasidagi tajribalar yuzasidan fikr almashildi.
Tashrif yakunida Nukus tumani Kengashining ilg‘or ish tajribalarini o‘rganish hamda ularni Jizzax viloyatidagi mahalliy Kengashlar faoliyatida qo‘llash imkoniyatlari muhokama qilindi.
Mazkur amaliy tashrif mahalliy Kengashlar o‘rtasida tajriba almashish, samarali ish usullarini ommalashtirish va deputatlik faoliyati samaradorligini yanada oshirishga xizmat qiladi.