Nurli Pangat mahallasida kuz-qish mavsumini puxta tayyorgarlik bilan o‘tkazish, elektr ta’minoti barqarorligini ta’minlash hamda aholi xavfsizligini oshirish maqsadida amaliy ishlar olib borildi.

Xususan, Xalq deputatlari Paxtakor tumani Kengashi deputati D.Do'squlova nazorati ostida mahalla hududidagi elektr tarmoqlarida foydalanib kelingan simyog‘ochlar zamonaviy va mustahkam beton elektr ustunlariga almashtirildi.

Amalga oshirilgan mazkur ishlar elektr tarmoqlarining ishonchliligini oshirish, elektr ta’minotida yuzaga kelishi mumkin bo‘lgan nosozliklarning oldini olish hamda kuz-qish mavsumida aholi uchun barqaror va xavfsiz elektr ta’minotini ta’minlashga xizmat qiladi.

Hududlarda shu kabi amaliy ishlarning amalga oshirilishi kuz-qish mavsumini betalofat o‘tkazish va aholiga qulay sharoit yaratishda muhim ahamiyat kasb etadi.