#_deputat_faoliyati
#_24_ta_masala
Alisher Navoiy mahallasida kambag‘allikni qisqartirish va aholi bandligini ta’minlash bo‘yicha ishlar o‘rganildi

Xalq deputatlari Sariosiyo tumani Kengashi deputati, tuman hokimi Odiljon Yaqubov Alisher Navoiy mahallasida Kambag‘allik reyestrida turuvchi fuqarolar bilan uchrashib, ularning bandligini ta’minlash, daromad manbalarini shakllantirish va kambag‘allikdan chiqarish bo‘yicha amalga oshirilayotgan ishlarni o‘rgandi.

O‘rganishlar davomida fuqarolarning xonadonlarida bo‘lib, ularning muammolari, ehtiyojlari va takliflari tinglandi. Xususan, Murodova Farida va O‘roqova Yulduzga tadbirkorlik faoliyatini yo‘lga qo‘yish uchun ajratilgan tikuv mashinalari hamda faoliyat yuritish uchun ijaraga olingan joylardagi sharoitlar ko‘zdan kechirildi.

Shuningdek, Melikova Sabohatni bandligini ta’minlash maqsadida chorvachilik va tikuvchilik faoliyatini yo‘lga qo‘yish, Ravshanqulova Oltinoyni esa doimiy ish bilan ta’minlash hamda farzandlarini maktabgacha ta’lim tashkilotiga joylashtirish masalalari muhokama qilindi.

Fuqarolarning nogironligi bo‘lgan farzandlarini zarur tibbiy ko‘rik va davolanish bilan qamrab olish, shuningdek, adaptiv sport turlariga jalb etish masalalariga ham alohida e’tibor qaratildi.

O‘rganishlar yakunida har bir xonadon bilan manzilli ishlash, fuqarolarni tadbirkorlik va doimiy mehnat faoliyatiga jalb etish, barqaror daromad manbaini shakllantirish hamda kambag‘allikni qisqartirish yuzasidan mas’ullarga aniq vazifa va topshiriqlar belgilab berildi.