#Hokim yordamchisi faoliyati va aholini kambag‘allikdan chiqarish borasidagi ishlar o‘rganildi

📍 Xalq deputatlari O‘rta Chirchiq tumani Kengashining 3-Oq ota saylov okrugidan saylangan deputati E.Peysenov hamda tuman Kengashi kotibiyati bosh mutaxassisi Sh.Sidikovalar ishtirokida “A.Yo‘lbarisov” MFYda hokim yordamchisi tomonidan amalga oshirilayotgan ishlar samaradorligi o‘rganildi.

♻️O‘rganish davomida mahallada aholi bandligini ta’minlash, ishsiz fuqarolarni doimiy va daromadli mehnat faoliyatiga jalb etish, kasb-hunarga yo‘naltirish hamda tadbirkorlik tashabbuslarini qo‘llab-quvvatlash borasidagi ishlar tahlil qilindi.

♻️ Kambag‘allikni qisqartirish va oilalarni kambag‘allikdan chiqarish bo‘yicha amalga oshirilayotgan chora-tadbirlarning manzilliligi va natijadorligiga alohida e’tibor qaratildi. Fuqarolarning daromadlarini oshirish, yangi daromad manbalarini yaratish hamda mehnatga layoqatli aholini ish bilan ta’minlash borasidagi ishlar ko‘rib chiqildi.

♻️ O‘rganish jarayonida hududdagi tadbirkorlar bilan olib borilayotgan ishlar ham ko‘zdan kechirildi. Jumladan, tadbirkorlarning mavjud muammolarini aniqlash, faoliyatini kengaytirish uchun zarur ko‘mak ko‘rsatish, yangi loyihalarni qo‘llab-quvvatlash hamda qo‘shimcha ish o‘rinlari yaratish borasida amalga oshirilayotgan ishlar tahlil qilindi.

📌 O‘rganish yakunida aholini kambag‘allikdan chiqarish, bandlikni ta’minlash va tadbirkorlikni rivojlantirish bo‘yicha ishlarni yanada kuchaytirish yuzasidan tegishli tavsiya va takliflar bildirildi.

✅Xalq deputatlari O‘rta Chirchiq tuman Kengashi kotibiyati axborot xizmati!